बघ तुला माझा आभास होतो का ? ---3

लवकरच प्रकाशित होणा-या (बघ तुला माझा आभास होतो का ?) या माझ्या दिर्घकाव्यातून...

थांब ! जरा जपून
रस्ता ओलांडतांना तू नेहमीच अडखळत होतीस.
दबक्या पावलांनी रस्ता अडवीत होतीस.
महाराणीच्या शृंगाराने पालवी फुलवीत होतीस.
आणि ओसाड रस्त्यावर बेमौसम बहराला उधान येते होते.
रस्त्याच्या मधोमध उभी राहून मला खुणावत होतीस.
तेव्हा ड्रायविंग सीटवरचा बेल्ट तुटून पडला होता.
आणि स्टेरिंग वरचा हात अलगद गियर वर चढला होता.
ब्रेंक च्या ऐवजी एक्सलेटर दाबला होता.
क्लच मात्र कधीचाच तुटून पडला होता.
इतक्या अपघातप्रवण रस्त्यावर... 
तुझ्या प्रीतीचा बहर मात्र उफानला होता.
तुझे माझे प्रेम जगाने अनुभवावे म्हणून
किती तरी अपघात घडवून आणले होते.
आजही तोच रस्ता तू ओलांडतांना...
सखे बघ ! तुला माझा आभास होतो का ?-
---डॉ. संदीप नंदेश्वर, नागपूर.