खरे भारतीय

 

खरे भारतीय

 

सुटाबुटात वावरणारे 

गावभर उघडे नागडे फिरले 

अंगावरचे कपडे फेकून 

इथे महात्मा म्हणून जगले 

 

फाटक्या चिंधीतले  माझे भीमराव

संपूर्ण विश्वाचे विद्वान बनले

माणसांच्या लढ्यासाठी अहोरात्र झटणारे

बाबासाहेब संपूर्ण जगाने पाहिले

 

आपल्याच बांधवांचे हक्क नाकारणारे

ढोंगी साधू येरवड्याने अनुभवले

देशाला स्वातंत्र्याच्या गप्पा मारणारे

सामाजिक स्वातंत्र्याला नाकारत बसले

 

स्वातंत्र्य दिले ज्यांच्या हाती

त्यांनीच त्यांना संपवितांना

'हे राम' मुखात घातले

माणसांपेक्षा धर्मावर प्रेम करणारे

जाती-पातीत देशाला विसरले

 

माणसांसाठी धर्माच्या गोष्टी करणारे  

देश विकाया निघाले

धर्माच्याच नावाने दहशतीसाठी

जागो जागी बॉम्बगोळे फोडू लागले

 

अरे...!

लेखणीतून देश उभा करतांना

जागतिक कीर्तीच्या संविधानाला मान मिळू लागले

इथल्या भीमरावांच्या बच्च्यांनी, ख-या भारतीयांनी 

आपले धर्मग्रंथ या देश्याच्या संविधानाला मानले

 

प्रा. संदीप नंदेश्वर, नागपूर.